विवादका स्वरुप फरक तर ब्यक्ती उहि । प्रसंग नेपाली फुटबलको । नेपाली फुटबलका सर्बाधिक विवादीत छवि वनाएका गणेश थापा नेपाली खेलकुदका सर्बाधिक बिवादित ब्यक्तीत्व हुन भन्दा अतियुक्ति नहोला । सन् १९९५ देखी अहिले सम्म करिव १९ बर्ष अध्यक्ष पदमा रहेका उनि एसियाली फुटबल महासंघका उपाध्यक्ष समेत हुन । उनि एन्फाको अध्यक्ष भएको १९ बर्षयता मुस्कीलले १८, १९ वटा भन्दा पनि कम तारीफ योग्य उपलब्धिमुलक काम गरे होलान जुन सजिलै औंला भाचेर गन्न सकिन्छ तर यस बिच उनले जुन ताण्डव मच्चाए त्यो पक्कै पनि गन्न नसक्नु छ ।
सन् २००९ मा मोहम्मद विन हमाम वाट अनधिकृत रुपमा १ लाख डलर गिफ्ट मनिको रुपमा आफ्नो छोरा गौरव थापाको ब्यक्तिगत बैंक अकाउन्टमा जम्मा भएको चर्चाहरु बिच घुमिरहे । यस बिच कहीले क्लब फुटबलहरुको आन्दोलनका बिषयहरु देखी ब्यक्तीगत मुडको भरमा एन्फा चलाउने बिषयहरुका बिचमा बिभिन्न कारणहरुले प्रायः बिवाद अनि चर्चाहरुको केन्द बिन्दुमा घुमिरहे थापा । अहिले फेरी चर्चामा छन उनै थापा, ५८ करोड रुपैया भ्रष्टाचार आरोपमा । फिफाको भ्रष्टाचार कारबाहि बाट निलम्बित तत्कालीन एसियाली फुटबल महासंघ अध्यक्ष विन हमाम बाट लिएको १ लाख डलर लाई सापटि लिएको तर्क गर्दै आफनो बचाउ गरेका थापा यो ५८ करोड हिनामीना गरेको प्रकरणमा आफ्नो बचाउ गर्न पत्रकार सम्मेलन गरी आफुलाई कारबाही गरे फिफाले नेपाललाई कारबाही गर्ने हास्यास्पद तर्क गरे । यदि यसपटक उनको यो तर्कले काम गरेमा उनि नेपाली फुटबलका भ्रष्टाचार गर्न अनुमती प्राप्त गर्ने तानाशाह नबन्लान भन्न सकिन्न । नत्र उनलाई आरोप लाग्ने बित्तीकै थप अनुसन्धान गर्न सहयोग गर्नकै लागी भएपनी नैतिकताको आधारमा राजीनामा दिनुपर्ने होइन र ?
नेपाली फुटबलमा गणेश थापा कुनै चामात्कारीक नाम होइन न त उनले नेपाली फुटबलमा त्यत्रो चामात्कारीक गुण लगाएका छन् । १९ बर्ष कुनै संस्था भित्र युगान्तकारी परिवर्तन ल्याउन पर्याप्त समय हो । यो समयमा नेताहरु नेपाल सिंगो देशलाई नै स्वीजरल्यान्ड र सिङ्गापुर बनाउने कुरा गर्छन । तर थापाले संस्थामा टिकिरहन आफु अनुकुल बिधान परिवर्तन गर्ने देखि लिएर आफु अनुकुल कोठे बैठकहरु सम्म गरे रे अनि फुटबललाई आफ्नो ब्यक्तिगत स्वार्थ पुरा गर्ने भाडो मात्र बनाए ।
यत्रो बर्षहरुमा एन्फाले उनि भन्दा धेरै राम्रो गर्न सक्ने ब्यक्तिहरु गुमाई सक्यो । थापाले आफ्नो तानाशाह लादेर नेपाली फुटबल लाई लामो समयसम्म बन्दी बनाएर राखे । एन्फाको बिधान पनि आफु मात्र अध्यक्ष बन्ने गरी संशोधन गर्दै गए । अनि नेपाली फुटबल लाई २ दशक पछाडी धकेले । नत्र नेपाली फुटबल टिमले अन्तराष्टिय प्रतियोगीताहरुमा सधैं गोल खाने मात्र बानि पार्न बाध्य हुन्थेन होला ।
ढिलै भएपनी थापालाई सरकारले नेपाली फुटबलबाट बिश्राम दिनु पर्छ । नेपाली फुटबलको सर्वोच्व संस्थालाइ प्रजातान्त्रिक, जिम्मेवार अनि जवाफदेही बनाउन भए पनि उनलाइ बिश्राम दिनु पर्छ । उनि २ दशकदेखी जरा गाडेर बसेका छन् । नैतिकताको खडेरी परेका थापा लाई मनाउन वा फकाउन पक्कै पनि गाह्रो छ, रा.प्र.पा. नेपालका अध्यक्ष कमल थापाले आफ्ना भाई गणेश थापालाई जनमतको अपमान गर्दै सभासद प्रस्ताव गरिसकेको अवस्थामा उनले एन्फा सजिलै छोडनेवाला छैनन् । सके सम्म मनाएरै नत्र घोक्रे ठ्याक लगाएरै भएपनी उनको बर्हिगमन नेपाली फटबलको आवश्यक्ता हो । लहरो तान्दा पहरो आउन सक्छ तर पहरो नै सेक्रिफाईस गरेरै भएपनि नेपाल फुटबलई कैद मुक्त गर्नै पर्छ । नेपाली फुटबललाइ प्रजातान्त्रिक, पारदर्शि अनि जवाफदेहि बनाउन पनि यो आवश्यक छ । त्यसपछि क्रमशः एन्फाको बिधान संशोधन गर्दै कुनै एक ब्यक्ति निश्चित कार्यकाल भन्दा बढि समय नेतृत्वदायी पदमा रहन नपाउने ब्यबस्था गर्दै नेपाली फुटवललाई नया जिवन दिनु पर्छ । र त्यसको सुरुवात गणेश थापाको वर्हिगमन बाट गर्नु पर्छ ।
राज कुमार थापा
काभ्रेस्थली–६,काठमाण्डौ
Twitter: @notonlyraj
0 प्रतिकृयाहरु:
Post a Comment